توقع الاسوأ

دايما فى توقعاتى بتوقع الاسوأ ، مش عشان مش واثقة أو مخونة حد لكن عشان اوقات كتير مكنتش متوقعة غير الخير او ان الفعل هيترضلى بنفس النية بتاعتى ، و حصلت فيا كتير انى اتوقع خير و بيحصلى العكس و ديه كانت حاجة مخيبة للامال جدا.. فبقيت اتوقع الاسوأ على طول.
احكيلكوا حكاية تبين لكم كلامى من ناحية و تأيده من ناحية تانية ، فى يوم كنت مع أصحابى و اتكلم واحد فيهم عن حوار التوقعات ده ، فقال انه ليه تجربة مريرة فى الحوار ده ، بدا صاحبنا فى الكلام و قال انه كان بيحب واحدة زميلته فى الجامعة و كانت بتبادله نفس الشعور و فضلوا مع بعض لفترة مش بطالة ، و قال انه كان عنده صاحب قريب منه جدا و كان بيحكيلوا عن البنت اللى بيحبها كتير بنية صافية جدا و انه مش فى دماغه ان ممكن صاحبه ده يروح يحبها من وراه .
نكمل القصة بان صاحبنا قال انه كان عايز يتقدملها و يخطبها رسمى لكن رفضته البنت و قالتلو انها بتحب واحد تانى و عرف ان صاحبه هو اللى كانت بتحبه و اعتقد انكو استنتجتوا اللى حصل طبعا ، بعد مخلص كلامه قال صاحبنا انه عمره ماتوقع ده انه يحصل معاه و من مين..من صاحبه الانتيم –المقرب يعنى- و اختتم كلامه بانه دلوقتى فى حياته ماشى بمقولة ( تمنى الافضل و توقع الاسوأ ) بعد اللى شافه من اعز اصحابه و اللى كان المفروض يفرحله مش يطعنه فى ضهره بالشكل ده .
العبرة من القصة ديه ان توقعتنا معظمها بيكون غير صحيح و ان الناس ممكن توقعنا فيها يكون غلط ، انا مش بقول ان كل الناس زى صاحب صاحبنا ده و انهم هيخونوا فى يوم من الايام لكن بقول ان مش هيبقى فيه مشكلة لو حرصننا من الاول ، و زى ما المثل الشهير بيقول..حرص و ماتخونش ، و مش هيضر كتير لو توقعت الاسوأ فى بعض الاوقات… مين عارف يمكن دا يكون التوقع الصح من الاول…..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s