حبة ارادة لو سمحت

انا هبدأ بنفسى من بكرة ان شاء الله ، من بكرة هاصلى كل الفروض ، و اذاكر كل الدروس – بحكم انى فى ثانوية عامة يعنى- و هاغير
من نفسى كمان و هابقى حد تانى خالص ، هابقى حد مشفتهوش ولا هتشفوه غير فى الافلام………. بس من بكرة..
قرار التغيير كلنا مستنينه يدخل حيز التنفيذ عشان نغير من نفسنا و نبقى زى ما بنحلم طول عمرنا….. بالمناسبة انا مش بتكلم عن الثورة و غير نفسك و ابدا من نفسك و كدة ، انا بتكلم عن القرار الشخصى اللى بين الواحد و نفسه ، اما تكون فى حاجة مش عجباه فى نفسه عايز يغيرها من زمان و لكن مستنى القرار ده يطلع منه-و اللى طبعا شايفه كبير- ، و اللى ممكن يحوله للشكل المثالى اللى فى خياله و اللى طول عمره يتمنى ان يكون عليه و عشان كدة شايف ان القراركبير و مهم وها يكون نقطة تحول كبيرة فى حياته. و كالعادة تاتى الرياح بما لا تشتهى السفن ، و يطلعله حاجة تلهيه من ناحية او كلام موسوس من ناس حاقدة او بترزل من ناحية تانية و حاجات تانية كتير ، فيضطر اسفا من جواه انه يقول خلاص انا هبتدى من بكرة ، تاركا اهم حاجة و اللى ممكن تغييره للابد و هى الارادة و اللى لو كانت عنده من الاول كان بكرة ده جه من زمان !
مش هاطول كتير و ارغى فى حوار التغير و لكن من الاخر احب اقول او استنتج يعنى ان كل واحد فينا لازم يلاقى حتة الارادة اللى جواه عشان يقدر ياخد القرار و يتغير من لحظتها و مايستناش بكرة عشان يتغير .
و اكيد طبعا واحد هايطلعلى من اى مكان و يقولى ايه النصاحة ديه ويقول بكل ثقة ان كل الكلام اللى مكتوب ده كلام بديهى اى حد يعرفوا يعنى ، ارجع و ارد على كلام الشخص ده و اقوله ان الكلام مافيش احسن منه لكن اللى بيتغير بجد هو اللى بيلاقى حتة الارادة ديه اللى بندور عليها من الصبح و مش لاقيينها.
فى نهاية كلامى حاولوا تدوروا على الحتة ديه جواكو وهاحاول انا شخصيا انى ادور عليها جوايا برضوه و ابدأ من دلوقتى مش من بكرة.. يمكن اتغير.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s