!!هو انا هاجيب كام ؟

هو انا هاجيب كام ؟!!

بعد اقل من 48 ساعة هتظهر نتيجة الثانوية العامة…كل واحد في دماغه فرقة حسب الله و مش عارف يتوقع ايه بعد الامتحانات اللي جات و اللي وقعت ناس كتير….ارجع و اقول كل واحد عارف هو حل ازاي في الامتحانات و ادينا هنشوف نتيجة مرمطة سنتين في الشارع بعد ساعات !!

قبل الامتحانات كله طبعا حاطط في دماغه انها كانت هاتيجي سهله عشان حال البلد المايل و قال ايه عشان ماكنوش عايزين مشاكل زيادة فوق اللي كانت موجودة !! ، و دايما ما بتيجي الامتحانات من اللي ماتذاكرش…، و يا سبحان الله بتكون عالطول الحتة الوحيدة اللي مسقطها الطالب المسكين ، لكن السنة ديه الامتحانات كانت جايه من كتب غير الكتب و من مناهج غير المناهج و كأن الراجل اللي حط الامتحان كان بينتقم لنفسه و لكرامته عشان ربنا كان رزقه براجل عنده نفس المشكلة اما كان في الثانوية !!

الامتحانات خلصت و ادينا مستنين النتيجة….في الناس متوقعة الاسوأ ، في ناس واثقة من مذاكرتها و متأكدة من نتيجتها ، و في ناس و لا في دماغها من اساسه – يعني كله محصل بعضه- و مش فارق معاها ايا كانت ، و في الاخر اللي مكتوب علي الجبين لازم تشوفه العين..

و انا قاعدة بافكر في حوار النتيجة دا ، افتكرت اما كانت اختي في سنة تالتة و اللي كانت سنة سودة برضه زي السنة ديه كده ، بس هي كانت ادبي – الحمد لله ساعتها – و اما طلعت النتيجة كانت فرحانة اوي انها جابت 90 % فباركتلها و انا مستخفة بالمجموع جدا و انا كنت ساعتها في تالتة اعدادي و المجموع دا كان يتجاب بأقل جهد ممكن…..اما دلوقتي فانا بدعي اني اجيبه !!

بعد الكلام و السرحان و توقع الاسوأ و العياط و النواح و الكوابيس اللي كلنا مرنا بيها و اللي لسه بنمر بيها و هنمر بيها لغاية اما نعرف النتيجة اللي مش باينلها شكل ديه ، احب اقول ان ربنا مش هيضيع مجهود حد و لو النتيجة ماجتش علي هوا بعض الناس او غير مرضية للبعض الاخر بالرغم من بذل جهد ، اكيد ربنا هيعوضهم في حياتهم بعدين في حاجة احسن ان شاء الله.

و ادينا مستنيين…………..

for more… follow me on twitter @louaazahar 🙂

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s