!!!فالح يا اسطي مرسي

بعد ازمة الفيلم المسي للرسول اللي اتعرض من شهور علي اليوتيوب و العالم كله شافه ، قامت الدنيا و ماقعدتش…ازاي النبي يتهان كده، ازاي الناس قعده بتتفرج عليه و مش بيدافعوا علي الرسول (ص) بكل مااوتوا من قوة و كل الكلام دا ، و ازاي اصلا الناس تتفرج عليه من الاصل…دا حرام حرام يا اخواني و الغريب هنا ان قناة دينية عرضت الفيلم فعلا علي شاشتها بكل بساطة مع انه حرام زي مابيقولوا ؟!

القنوات الدينية مش موضوعنا دلوقتي عشان اصلا دول عايزين قعدة عرب عشان نعرف نتكلم عليهم علي رواقة، المهم يعني بعد اللي حصل و العالم كله يدين اللي حصل و اكيد جبهة الانقاذ ادنت برضه..قررت الحكومة المصرية حجب موقع اليوتيوب و جوجل و اي حاجة تبعه عشان فيهم حاجات ضد الدين و العقيدة و فعلا القرار هيتفعل عادي جدا بظبط زي ما الحكومة مسكت في حجب المواقع الاباحية عشان بتخلي الشباب يعملوا حاجات وحشة و في الاخر ماعملوش اي حاجة و الموضوع نام علي مافيش.

بس هنا الكلام مش مظبوط..منين الحكومة عايزة تحجب جوجل و هي اصلا حكومة غارقنه و فاشلة و رئيسها ربنا يهديه بيصرح بحاجات غريبة عن حاجات اغرب !!! و مش في دماغه هو و حكومته حال البلد اللي بقي مايل اكتر من برج بيزا المايل !!! و هو الحجب دا مش بفلوس ؟ و البلد مافيهاش فلوس و ريسنا حبيببنا بيشحت علي البلد برضه ؟ و برضه ماجبش قرش صاغ ؟ و الحكومة مش واخدة بالها من الاقتصاد اللي كل شوية في النازل عشان مافيش حد فيها فاهم يعني ايه تضخم و اللي حصل بعد ما الدولار ارتفع بغباء !! هما بس فالحين في العبط بتاع حجب المواقع دا و سايبين البلد تولع في نفسها و كل واحد يولع في نفسه بقي ، اصل كان في نهضة و احنا خدناها خلاص ، يعني احنا مالناش حاجة عند الحكومة دلوقتي ، فاملناش وش انه نطلب منها بدا مشروعات تنمية..تعمير الصحرا..اي حاجة اي مصلحة ، ماهو مش بعد كل اللي حصل نصوم نصوم و نفطر علي دول، مش كدا يعنى !!!

في سؤال شاغلني بقاله كتير اوى، مرسي فين من كل دا؟ ، غير انه كل مناسبة يطلع يخاطب الشعب و كل اسبوعين يسافر عشان يشحت علينا ، غير كده الراجل فص ملح وداب..هو تقريبا ماسك البلد تخليص حق ، انت فين يا اسطى مرسى ؟؟ ايوة طيب هتطلع تقول خطاب..و بعدين طيب ؟ فالح بس تسلق دستور في اربع ساعات  ؟ فالح بس تطلع قرارت انت نفسك مش عارف عواقبها و بعدين ترجع فيها عادي جدا !!! فالح بس تبقي رئيس لكل المصريين و انت اصلا رئيس لجماعتك بس ؟؟ فالح انك تكون مش فالح ؟؟!! فوووق يا اسطى انت مش سايق توك توك..انت سايق مصر و شكلك مابتعرفش تسوق و هنلبس في الحيط في الاخر !!

كلمة اخيرة ليك انت و حكومتك اللي عمله زي الرصاص الفشنك ، فووق انت و هما قبل ما تيجي الناس تفوقوا بطريقتها الخاصة ، اصل الناس مابتغلبش و اللي بيجي عليها بتكله بسنانها يا اسطي مرسي !! و سيبك من الحجب و الشغل الديق بتاع حكومتك اللي تالهاش لازمة ديه و ابدا اشتغل عدل و راعي ربنا في الناس اللي انتخبتك و حططت ثقتها فيك !!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s