!!شوفي لك بنت تانية

!مصر هي امي..نيلها جوا دمي..شمسها في سماري  و كلام كتب ابتدائي اللي مابيأكلش عيش دا

بيطلعوا يربوا فيك حب البلد اللي انت عايش فيها..حب الاماكن و الجو و التاريخ و يقعد يجبلك في مشاهد للبلد و اللي بتكون كاملة من مجاميعه و مافيهاش غلطة…بس نسي يكلمك عن العشوائيات و حلاوة العشوئيات..و المجتمعات السكنية اللي تحت الكباري و اللي في التُرب و اللي و اللي…الحاجات كتير الواحد مش  فاكر يكتب  ايه و لا ايه

بس اجي و اكلمك علي اهلها.. و اقولك ايه عن ناسها و تصرفات ناسها السكرة اللي بالظبط زي الاعلان بتاع السياحة..بتاع مصر منورة بأهلها..تقريبا عشان سارقين كهربا من العمومي و لا قاعدين علي لمبة جاز و لا اي حاجة تُخطر علي بالك..يا عم دا شعب مصر دا احسن شعب في العالم..دا الشعب الوحيد اللي متدين بتطبعه..اللي لو شاف كف واحدة ست في الشارع بيتجنن و بتجيله الحاله و بيكون عايز يفرغ طاقته المكبوتة في الست ديه بس عشان ايديها بانت و لا حتي رجليها…و يرجع و يقولك اصل مافيش جواز..مافيش شغل و الراجل عنده احتياجات لازم يسدها..يسدها ازاي و فمين مش مشكلة..المهم انها بتتسد

 كتاب الوزراء ماجاش قال لو ربنا خلقك بنت و في مصر دا هيبقي ابتلاء..ببساطة هتبقي حبيسة بيت اهلك..لغاية ماتروحي بيت جوزك او حتي ممكن يقلب جحيم دا كمان..عشان الشارع دا بقي غابة..كونك بنت دا بيدي الرجالة في الشارع الكارت الاخضر انه يعمل بيكي و فيكي اي حاجة و يرميكي زيك زي اي حاجة الغرض منها خلص و محدش يلومه لحتي ثانية !  زيك زي الغزال اللي راح عرين الاسد بمزاجه..و اللي اللوم بيُلقي عليه حتي لو الغابة كلها اتحولت و بقت عرين الاسد

محدش قالي ان اهلها مش زي ما كتاب الوزراء ما قال..حلوين..مش نشالين..مش حرامية..مش نصابين..مش فعلا بتوع ربنا..مش هيستغلوني عشان انا بنت..مش هيبصولي بصة كلها رغبة عشان بس ممكن يستخدموني في حاجة مقززة…ما قالوش اني همشي في الشارع بتلفت زي الحرامية عشان متنشلش و لا أخد مطوة كدا او كدا او اتضرب عشان واحد شايفني  من ضهري حلوة

محدش قال و محدش هيقول..محدش هيطلع القطط الفطسانة في شعبه مهما حصل..و احنا طبعا عارفين اننا شعب متتطلعش العيبة من بقه و لو السكينة علي رقبته…احنا شعب جميل بطبعه..متدين بطبعه..”اي كلام” بطبعه..اهو كله كلام و السلام و اهو دا اللي بيأكل عيش..بس معلش انا مش هقدر اغني النشيد اللي مكتوب منه حتة فوق دا ، أصل مصر مش امي

معلش يا ماسر..شوفيلك بنت تانية..انت لا أمي و لا أعرفك

Advertisements

One thought on “!!شوفي لك بنت تانية

  1. لأ لأ .. دي نظرة متشائمة منفعلة بحادث ، رغم قسوته ، الا انه لا يتكرر في كل ميادين مصر ، لابد الا نعمم .. اكيد ان مصر وشعب مصر عليهم ملاحظات ، وهناك عيوب كتيرة محتاجة لتصليح ، انما التبرؤ من مصر ومن ولائنا لها بهذه الصورة ، غير مقبول ، ولو كل شاب او شابة اخذ قرارا مماثلا .. من سيبقي من المصريين وخصوصا الشباب ليصلحا ويطورها ؟!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s